«Lester» bosh murabbiyi Klaudio Ranerining iste'foga chiqarilishiga jamoa futbolchilarining talabi sabab bo'lgan.
Xabar qilinishicha, Chempionlar ligasi doirasida «Sevilya»ga qarshi kechgan bahs 1:2 hisobida boy berilgach futbolchilar klub rahbariyati bilan uchrashgan va Ranerini iste'foga chiqarishni talab qilishgan. Futbolchilarning nazdida Raneri ish uslubini o'zgartirgani tufayli ham «Lester» ketma-ket mag'lubiyatga uchramoqda.
Eslatib o'tamiz, ayni vaqtda «Lester» Angliya chempionatida 17-o'rinda bormoqda. Raneri 2015 yilda jamoa boshqaruviga kelgan va «Lester»ni 133 yillik tarixida ilk bor chempionlik sari boshlay olgan edi.
— deya xabar beradi uff.uz nashri.