«Lester» prezidenti Vichay Shrivadxanaprabxa jamoa murabbiyi Klaudio Ranerini ishdan bo'shatgani haqidagi qarorni qiyinchilik bilan qabul qilganini tan oldi. «Bu qarorni qabul qilish juda ham og'ir bo'ldi. Lekin, «Lester»ni APLda olib qolish uchun muxlislarning Raneriga bo'lgan mexrini ikkinchi darajaga olib qo'yishga majbur bo'ldik. Klaudio Raneridan bir umr minnatdormiz, «Lester» uning xizmatlarini hech qachon unutmaydi. Jamoa a'zolari mavsumning oxirigacha kurash olib borishadi, APLda jon saqlab qolish asosiy maqsadimiz bo'lib kelgan. Bizga ishongan barcha muxlislarga raxmat aytaman», deydi prezident klub matbuot xizmatiga bergan intervyusida.
— deya xabar beradi uff.uz nashri.