“Olmaliq” – “Bunyodkor” uchrashuvidan keyingi matbuot anjumanida birinchi bo'lib “qaldirg'ochlar” ustozi Baxtiyor Boboev ishtirok etdi.
- Uchrashuvni yaxshi boshladik va tezkor gol urishga muvaffaq bo'ldik. Shuningdek, yana bir nechta golli vaziyatlar sodir etib, o'yinni o'z nazoratimizga og'dirishga ham erishdik. Lekin ikkinchi bo'limda futbolchilarimizda toliqish holatlari ko'zga tashlandi. Mavsum poyoniga etayotgan paytda hamma futbolchilarda bu kabi alomatlar sezilishi tabiiy. Bugungi o'yindan qoniqmadim, biroq natijadan ko'nglim to'ldi, desam bo'ladi.
Boisi bugungi durangdan so'ng oldimizga qo'yilgan vazifalarning eng oxirgisi – Osiyo Chempionlar ligasi pley-off bosqichi yo'llanmasini qo'lga kiritdik. Umumiy mavsumni olib aytadigan bo'lsam, bizga faqat va faqat maksimal natijalarni qo'lga kiritish vazifasi yuklatilgan edi. Lekin yoshlar ancha xursand qilishdi. Chunki bu yil tarkibimizda bir nechta yosh o'yinchilar yaxshi maktabdan o'tishdi. Ular kelasi yilgi mavsumga ancha pishib etishishdi, deb o'ylayman. Tajribali futbolchilar bilan bir safda to'p tepgan yosh o'yinchilarimizdan kelasi mavsumga umidimiz katta, - deydi Baxtiyor Boboev.
— deya xabar beradi uff.uz nashri.