Madridning «Real» klubi «San-Paulu» yarim himoyachisi Augusto Galvanni sotib olishga kelishib qo'ydi.
Madridliklar 17 yoshli yarim himoyachi uchun 3 million evro to'laydi. Ammo bu mablag'ning faqat 1 millionini «San-Paulu» darhol qo'lga kiritadi. Qolgan 2 million evro esa Augustoning Madriddagi o'yiniga bog'liq holatda to'lanadi.
Augusto va «San-Paulu» o'rtasidagi shartnoma mart oyiga qadar davom etishi lozim. Ushbu muddat yakuniga etgach yarim himoyachi 18 yoshga to'ladi va Augusto jamoadan erkin agent maqomida tekinga ketishi mumkin.
— deya xabar beradi uff.uz nashri.