«Manchester Siti» Iskoni o'z safiga qo'shib olish uchun juda yaqin turibdi. Bu haqda Sport.es nashri xabar tarqatmoqda. Isko 2013 yilda Angliya klubiga o'tishi mumkin edi. Biroq, Zidang so'zlari Iskoni Madridda olib qolgandi. Bugungi kunga qadar ikki marta Evropa chempionlar ligasida g'alaba qozongan 24 yoshli futbolchi «qirollik» klubining asosiy tarkib a'zosi bo'la olmadi. 2016 yilning yanvarida ham futbolchi «Manchester Siti» tarkibida qo'shilishga yaqin turgandi. Biroq Rafael Benites o'rniga «Real» boshqaruviga kelgan Zidan yana bir marotaba Iskoni jamoada qolishga ko'ndirdi. Ammo joriy yil yozga kelib futbolchi baribir Madridni tark etishga qaror qildi. Ispaniyalik futbolchi uchun Italiyaning «Inter», «Milan» va «Yuventus» klublari ham qiziqish bildirishgan, biroq jamoalar futbolchi uchun «shaharliklar» taklif qilayotgan darajadagi moliyaviy imkoniyatga ega emas. Shu boisdan ham futbolchi Angliyaga yo'l olishi deyarli aniq bo'lib ulgurgan. Isko yangi jamoada David Silvaga munosib o'rinbosar bo'lishi kutilmoqda. Eslatib o'tamiz, Iskoning «Real» bilan tuzgan shartnomasi 2018 yil yozida o'z nihoyasiga etadi.
— deya xabar beradi uff.uz nashri.