Kecha Bolgariyaning Varna shahrida erkin va yunon-rum kurashi bo'yicha yoshlar o'rtasida an'anaviy Xalqaro turnir start oldi. O'zbekiston Sport kurashlari Assotsiatsiyasi mazkur musobaqaga har ikkala yo'nalishda to'qqiz nafardan sportchini jalb etdi. Murabbiylar Olimjon Xikmatov va Abdurauf Bozorboev boshchilik qiladigan erkin kurash bo'yicha terma jamoamiz tarkibida Rustambek Jo'raev, Jahongirmirzo Turobov, G'ulomjon Abdullaev, Ramazon Ibodov, Majid Murodov, Bahodir Aslonov, Hasanboy Rahimov, Muhammadali Muxtorov va Jasurbek Usmonoxunovlar gilamga chiqishadi. Yunon-rum bo'yicha terma jamoamiz tarkibi esa Ilhom Bahromov, Islombek Bahromov, To'rabek Tirkashev, Aram Vardanyan, Mirzobek Rahmatov, Fazliddin Nomozov, Jalgasbay Berdimuratov, Muhammadali Shamsiddinov va Ermatbek Shermatovlar bilan to'ldirildi. Yunon-rum kurashchilarimizga Varnadagi musobaqada Ravshan Ro'ziqulov va Isroil Siddiqovlar ustozlik qilishadi. Turnir 24-26 fevral kunlari bo'lib o'tadi va ertaga – 26 fevral sanasida musobaqaning barcha vazn toifalari bo'yicha g'olib va sovrindorlar nomi ma'lum bo'ladi.
— deya xabar beradi uff.uz nashri.