«Milan» darvozaboni Janluiji Donnarumma bugun tug'ilgan kunini nishonlamoqda. Kichik Buffon laqabi bilan ataladigan posbon 18 yoshga to'lib, butkul voya yoshga etdi va endi o'zi istagan jamoalar bilan professional shartnoma tuzish huquqiga ega bo'ldi. Endilikda, Evropaning bir qator etakchi jamoalari italiyalik darvozabonni sotib olish uchun harakat qilib ko'rishadi. Donnarumma 18 yoshga etgunga qadar, Italiya terma jamoasidagi debyutini nishonladi va «Milan» libosida Italiya A Seriyasining 25ta uchrashuvida maydonga tushib 8 marta o'z darvozasi dahlsizligini saqlashga erishdi. Avvalgi xabarlarda keltirilishicha, Donnarumaga «Yuventus», «Real», «Barselona» va «Manchester Siti» jamoalari jiddiy qiziqish bildirishmoqda.
— deya xabar beradi uff.uz nashri.