Hujumchi Paulo Dibalaning agenti mijozining yangi shartnomasi borasida kelishuvga erishish uchun “Yuventus” rahbariyati bilan uchrashuvga Italiyaga etib kelgan. Ta'kidlanishicha, tomonlar kelishuvning shartlarini muhokama qiladilar va unda tovon puli qiymati kiritilmaydi. Football Italia nashrining ma'lumotiga ko'ra, yangi bitim 2021 yilning iyuniga qadar mo'ljallangan bo'ladi va unga ko'ra Dibalaning yillik maoshi 7 million evroni tashkil qiladi. Avvalroq, Dibalaning o'zi tez orada klub bilan yangi shartnoma imzolashini aytgandi. Uning amaldagi bitimi 2020 yilga qadar mo'ljallangan.
— deya xabar beradi uff.uz nashri.