The Times nashrining xabariga ko'ra, Jeymi Vardi, Kasper Shmeyxel, Mark Olbrayton va Ues Morgan «Lester» rahbariyati bilan bo'lib o'tgan uchrashuvda Raneri ishdan bo'shashi lozimligini so'rashgan. Yuqorida keltirib o'tilgan futbolchilar italiyalik mutaxassisning futbol o'ynash usuli eskirgani va bu usul bilan hech qanday natijaga erishib bo'lmasligini rahbariyatga tushuntirishga harakat qilib ko'rganlar. Shuningdek, yuqorida nomi keltirib o'tilgan futbolchilar «Lester» rahbari bilan 1 dekabrdan beri 4 marta uchrashishga ulgurishgan. Har bir uchrashuv mavzusi aynan Klaudio Ranerining istefosi bilan bog'liq bo'lgan.
— deya xabar beradi uff.uz nashri.