Oliy va birinchi liga jamoalari o'rtasida futbol bo'yicha Andijon viloyat hokimi kubogi uchun musobaqalar nihoyasiga etdi. Jamoalar ikki guruhga bo'lingan holda bosh sovrin uchun kurash olib bordilar. «Andijon» va Farg'onaning «Istiqlol» jamoalari raqiblarini mag'lubiyatga uchratib, finalga etib kelishdi. Hal qiluvchi uchrashuvning asosiy vaqtida hisob ochilmadi. Penaltilar bo'yicha omad andijonlik futbolchilarga kulib boqdi. Abdurasul Komilov, Shahboz Jumaboev, Alisher Abduvohidov, Xondamir Yo'ldoshev, Madamin Mahmudov darvozani aniq nishonga oldilar (5:4). Uchrashuvdan so'ng viloyat hokimligi kotibiyat mudiri O.Saidov g'olib va sovrindor jamoalarni qizg'in tabriklab, «Andijon» futbolchilariga bosh sovrinni tantanali ravishda topshirdi.
— deya xabar beradi uff.uz nashri.