«Real» bosh murabbiyi Zinedin Zidan jamoa futbolchisi Garet Beylning Ispaniya chempionatining 24-turidan joy olgan «Vilyarreal»ga qarshi bahsda maydonga tushishga to'liq tayyorligi haqida aytib o'tdi. «Beyl jarohatidan butkul forig' bo'ldi va yana «Real»ga yordam berishga tayyor turibdi. Garet mashg'ulotlarda bor kuchi bilan ishlamoqda. Beyl menga «Real»ning ko'plab gollariga mualliflik qilishga shoshilayotganini aytdi. Uning so'zlaridan mamnunman, Garetdan endi ko'nglim to'lmoqda. Endilikda Beyl kelgusi o'yinlarda qo'rqmasdan maydonga tushishi mumkin», - deydi Zidan klub matbuot xizmatiga bergan intervyusida. Eslatib o'tamiz, Garet Beyl 80 kunlik tanaffusdan so'ng maydonga qaytib, «Espanol»ga qarshi uchrashuvda gol muallifiga aylangandi. 
— deya xabar beradi uff.uz nashri.