"Lokomotiv" - "Mash'al" (1:0) uchrashuvidan keyin tashkil etilgan matbuot anjumanida "temiryo'lchilar" ustozi Andrey Miklyaev qatnashdi. Bu haqida "Mash'al" klubi rasmiy saytida xabar berilgan. E'tiborli tomoni, garchi Oliy liga yakunlanishiga bir tur qolgan bo'lsada, "Lokomotiv"ning yangi ustozi "Paxtakor"ni chempionlik bilan tabriklagan.
"Bugun g'alaba qozonganimiz xursand qiladi. O'yin ruhiy jihatdan og'ir o'tdi. Oddiy holatlarda ko'p xatolarga yo'l qo'ydik. Bugun u qadar yaxshi o'ynay olmadik. Bizda vaziyatlar juda ko'p bo'ldi. "Mash'al"ga qarshi bahs og'ir o'tishini bilardik, ular himoyada o'ynashdi.
Temurxo'ja Abduxoliqov hech qaerga ketgani yo'q. Uning jamoa bilan shartnomasi bor, hozircha u biz bilan birga. Ayni paytda Bikmaevning jismoniy holati yaxshiroq bo'lgani uchun Maratni maydonga tushirayapmiz.
"Paxtakor"ni chempionlik bilan tabriklayman. Sababi ular menimcha so'nggi turda "Andijon"ni mag'lub etishsa kerak", - deydi Miklyaev.
Eslatib o'tamiz, "Lokomotiv"ning sobiq bosh murabbiyi Vadim Abramov ham "Paxtakor"ni chempionlik bilan tabriklagan edi.
— deya xabar beradi uff.uz nashri.