Poytaxtimizda yunon-rim kurashi bo'yicha yoshlar o'rtasida o'tkazilgan mamlakat kubogi bahslari nihoyasiga etib, g'olib va sovrindorlar nomi ma'lum bo'ldi.
Vazni 50 kg.gacha bo'lgan polvonlar musobaqasida 2014 yili Nankin shahri (Xitoy)da o'tkazilgan II yozgi o'smirlar Olimpiada o'yinlari g'olibi Ilxom Baxromov (Toshkent) birinchi o'rinni egalladi.
Og'irlik vazni 55 kg.gacha bo'lgan sportchilar bahsida oltin medalga Osiyo chempioni, jahon chempionati sovrindori Javohir Miraxmedov (Toshkent) sazovor bo'ldi.
Vazni 74 kg.gacha bo'lgan polvonlar musobaqasida esa g'oliblikni o'smirlar o'rtasida Osiyo chempioni Abubakr Alimov (Toshkent) qo'lga kiritdi.
O'z vazn toifalarida, shuningdek, Umid Ganiev (60 kg, Farg'ona), Mirzobek Raxmatov (66 kg, Toshkent), Jalgas Berdimuratov (84 kg, Toshkent), Xojiakbar Shoxobiddinov (96 kg, Andijon) va Abbos Ibragimov (120 kg, Qashqadaryo) barcha raqiblarini mag'lub etib, shohsupaning eng yuqori pog'onasidan o'rin egallashdi.
O'zbekiston kubogi bahslarida Namangan, Samarqand, Buxoro va Navoiy viloyatlari vakillari ham sovrindorlar safidan o'rin egallashdi.
Ma'lumot uchun. O'zbekiston kubogi bahslarida 190 nafardan ziyod yosh polvonlar g'oliblik uchun kurash olib bordilar. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.