«Roma» klubi bosh murabbiyi Luchano Spalletti Evropa Ligasi 1/8 finali doirasida «Lion»ga qarshi uchrashuvlar oldidan o'z fikrlari bilan o'rtoqlashdi. «Bizga yana qiyin raqib duch keldi. «Lion»da juda yaxshi va tajribali futbolchilar yig'ilgan, Lyakazett va Tolisso – yuqori darajali o'yinchilar. Biz «Roma»ning eng yaxshi o'yin uslubini namoyish etishimiz kerak. Balki, boshqa raqib bilan tushishni xohlagandirmiz, ammo aynan kuchli raqiblarga qarshi o'yinlar yuqori darajamizni saqlab turish va sifatli futbol namoyish qilishimizni ta'minlaydi», – deydi Spalletti. Eslatib o'tamiz, ushbu jamoalar o'rtasidagi o'yinlar 9 martda Frantsiyada, 16 martda esa Italiyada bo'lib o'tadi.
— deya xabar beradi uff.uz nashri.