32 yoshli Krishtianu Ronaldu futbol olamidagi bir nechta rekordlarni yangilab tashlashga ulgurdi. Biz e'tiboringizga Portugaliyalik futbolchi tomonidan qayd etilgan rekordlar haqida ma'lumot berib o'tishni joiz deb topdik.
1. Portugaliya terma jamoasining eng sermahsul to'purari
Ronaldu Portugaliya terma jamoasi tarkibida 136 uchrashuvda 68 marta o'z nomini tabloga yozdirib qo'yib, terma jamoasining eng yaxshi to'purariga aylandi. Oldingi rekord Pedro Pauletaga tegishli edi. U Portugaliya uchun 49 gol kiritgan. Ronaldu mazkur rekordni yangilashda davom etmoqda.
2. Evrokuboklar tarixidagi eng sermahsul to'purar
Krishtianu Evrokuboklar tarixidagi eng yaxshi to'purar bo'lib turibdi. U evrokuboklarda 142 o'yinda maydonga tushib 98 ta golga mualliflik qilgan.
3. Chempionlar ligasi tarixidagi eng sermahsul to'purar
“Real” hujumchisi Chempionlar ligasi tarixidagi eng yaxshi to'purar nomini ham o'ziniki qildi. Ronaldu “MYu”da 16, “Real”da esa 80 gol urgan. Mazkur musobaqadagi umumiy gollari soni esa 96 tani tashkil etadi. Krishning eng yaqin ta'qibchisi bo'lgan Messi hisobida esa 93 ta gol mavjud.
4. Evropa chempionatlaridagi eng sermahsul to'purari
Ronaldu Evropa chempionatlaraida eng ko'p gol kiritgan futbolchidir. U Evro-2004 da Gretsiya va Gollandiya, Evro-2008da Chexiya, Evro-2012 da Gollandiya (2 ta) va Chexiya, hamda Evro-2016 da Vengriya (2 ta) va Uels darvozalarini ishg'ol qilgan. Umumiy gollari soni 9 ta.
5. Klublar tarkibida xalqaro maydonlarda eng ko'p gol urgan futbolchi
Krishtianu “MYu” va “Real” jamoalari tarkibida xalqaro maydonlarda jami 101 ta gol urgan xolda, bu borada ham rekordchi bo'lib turibdi.
6. Chempionlar ligasida bir mavsumda eng ko'p gol urgan futbolchi
2013/14 yilgi mavsumda “Real” hujumchisi Ronaldu Chempionlar ligasida 11 ta uchrashuvda maydonga tushib o'z hisobiga 17 ta gol yozdirib qo'ydi. Shu tariqa u mazkur turnirda bir mavsum davomida eng ko'p gol urgan futbolchi nomini oldi.
7. Chempionlar ligasida bir mavsumda guruh bosqichida eng ko'p gol urgan futbolchi
2015/16 yilgi mavsumda portugaliyalik hujumchi Chempionlar ligasining guruh bosqichida “Real” libosida 11 ta gol urib, o'ziga xos rekord o'rnatdi.
8. Chempionlar ligasining pley-off bosqichlarida eng ko'p gol urgan futbolchi
Ronaldu Chempionlar ligasining pley-off bahslarida jami 46 marta raqiblar darvozalarini ishg'ol qilgan. Boshqa hech bir futbolchi bunday natijani qayd eta olmagan.
9. “Real” tarixidagi eng sermahsul to'purar
2009 yildan buyon Madridning “Real” jamoasi sharafini himoya qilib kelayotgan Krishtianu hozirga qadar 377 uchrashuvda 386 ta gol urib, klub tarixidagi eng sermahsul to'purarga aylandi. Bundan oldingi rekord afsonaviy Raul (323 gol)ga tegishli edi. Davomi Furqat Yusupov blogida.
— deya xabar beradi uff.uz nashri.