Norvegiyaning "Molde" klubi bosh murabbiyi Ole Gunnar Sulsher Evropa ligasi doirasida "Seltik"ka qarshi kechadigan o'yin oldidan raqib stadionidagi muhitga yuqori baho berdi va ushbu stadionda hech qachon futbolchi sifatida maydonga tushmaganidan afsusda ekanini bildirdi.
"Bu er futbol o'ynash uchun fantastik joy va ishonchim komilki barcha yigitlar o'yin boshlanishini intiqlik bilan kutmoqdalar.
Men bu stadionga faqat tomoshabin sifatida kirganman. Men hech qachon futbolchi sifatida "Seltik Park"da maydonga tushish imkoniga ega bo'lmaganman. Shunday ekan, bu erda o'ynashga hozirlik ko'rayotgan futbolchilarimga juda havas qilmoqdaman. Ular bu stadion muhitini his qilib ko'rish baxtiga musharraf bo'ladilar.
"Seltik" stadionidagi holat "MYu", "Barselona" va "Real"dagini eslatib yuboradi", - deydi Sulsher.
— deya xabar beradi uff.uz nashri.