"Liverpul" darvozaboni Simon Minoole jamoa o'yini haqida fikr bildirarkan, Luis Suares "Barselona"ga ketgandan so'ng mersisaydliklar o'yinini oldindan bilish raqiblar uchun qiyinlashganini aytib o'tdi.
"Bizda 25 nafar futbolchi bor, ammo maydonga faqat 11 o'yinchi tusha oladi. Shu bois kimdir xafa bo'lib qolishi turgan gap. Barchamiz bir maqsad yo'lida kurashmoqdamiz.
Men bu erga kelganimda jamoamiz alohida futbolchilarga bog'lanib qolgan edi. Barcha gollarni Suares va Starrij kiritardi. Shuningdek Stiven Jerrardni ham almashtirib bo'lmasdi. Endi esa xavf barcha futbolchilardan kelishi mumkin.
Biz qaysidir hujumchi gol urishini kutmasdan, birgalikda raqibga qarshi kurashmoqdamiz. Ilgari "Liverpul"dan ochko olish uchun Suaresni to'xtatishning o'zi kifoya bo'lardi. Endi esa butun jamoani zararsizlantirish lozim. Menimcha bunisi ancha qiyinroq", - deydi Minole.
— deya xabar beradi uff.uz nashri.