Bugun 5 noyabr kuni. Yana bir haftadan keyin Toshkentdagi Markaziy "Paxtakor" stadionida O'zbekiston ham KXDR milliy terma jamoalir o'rtasidagi JCh-2018 saralash bahsi bo'lib o'tadi.
O'yinning qadri va nufuzini barchamiz yaxshi his qilib turibmiz. Samvel Babayan shogirdlari uchun mazkur o'yinning ahamiyati juda katta. Termamiz g'alaba qozonishi shart bo'ladi. Aks holda taqdirimiz o'zimizga bog'liq bo'lmay qoladi.
To'g'ri, raqib ham anoyilardan emas. Metin iroda va ruhiyatga ega bo'lgan futbolchilar Toshkentda borlarini berib o'ynashadi. Bizning ulardan yagona ustunligimiz - saviyada! Ha, aynan shu omilni ishga solib, nima qilib bo'lsa ham uch ochkoni olishimiz lozim.
Aslida, koreyslarni durang ham qoniqtiradi va ular qaysidir jihatdan qarshi hujum taktikasi ostida o'ynashlari ham mumkin. Biz esa, bundan foydananishimiz zarur. Umid qilamiz, Babayan kamida 2ta hujumchini maydonga tushiradi. Yolg'iz Sergeevning o'zi KXDR himoyasini buzib o'tishi qiyin bo'ladi. Biz barcha futbol ishqibozlarini stadionga chorlab qolamiz. Zero, futbolchilarimiz bizdan buni kutishadi va muxlislarning qo'llab-quvvatlashlariga ishonishadi. Chiptalarni stadion kassalaridan hamda viloyat futbol federatsiyalaridan olish mumkin.
Yana bir jihat: guruhimizdagi qolgan raqiblarning taqdirlari ham ko'p jihatdan mana shu 7-tur uchrashuvlariga bog'liq. Uchinchi o'rin kimga nasib qilishini ham bilib olamiz.
Yana bir bora navbatdagi o'yinlar anonsi bilan tanishing: 7-tur 12.11.2015 B 14:00 Avstraliya -:- Qirg'iziston E 15:30 Afg'oniston -:- Kambodja A 16:00 Falastin -:- Malayziya G 16:00 Janubiy Koreya -:- Myanma E 16:15 Singapur -:- Yaponiya C 16:35 Xitoy -:- Butan B 17:00 Tojikiston -:- Bangladesh F 17:00 Tayland -:- Xitoy Taypeyi H 17:00 Filippin -:- Yaman D 17:30 Eron -:- Turkmaniston H 18:00 O'zbekiston -:- KXDR D 18:30 Hindiston -:- Guam G 19:00 Livan -:- Laos A 19:15 BAA -:- Sharqiy Timor C 20:00 Maldiv -:- Gonkong  
— deya xabar beradi uff.uz nashri.