Angliya Liga Kubogi final bahsidan o'rin olgan «Manchester Yunayted» – «Sautgempton» uchrashuvi o'z nihoyasiga etdi. «Uembli» stadionida bo'lib o'tgan final o'yini «qizil iblislar»ning g'alabasi bilan tugadi. Uchrashuvning 19-daqiqasida Zlatan Ibrahimovich jamoasini oldinga olib chiqqan bo'lsa, 38-daqiqada Jessi Lingard hisobni 2:0 ko'rinishiga keltirdi. So'ngra «Sautgempton» hujumchisi Manolo Gabbyadini birinchi bo'lim so'nggi va ikkinchi bo'lim debyutida gol kiritib muvozanatni tikladi. Asosiy vaqt tugashiga uch daqiqa qolganida yana Ibrahimovich o'z hisobiga gol yozib qo'ydi va «Manchester Yunayted»ga chempionlikni olib berdi. Ushbu g'alaba so'ng Joze Mourino «MYu» boshqaruvidagi ikkinchi sovriniga ega bo'ldi. Mutahassis klub bilan ilk sovrinini avgustda bo'lib o'tgan Angliya Superkubogida qo'lga kiritgan edi. Angliya Liga Kubogi. Final Manchester Yunayted – Sautgempton 3:2  Gollar: 1:0 – 19 Ibrahimovich, 2:0 – 38 Lingard, 2:1 – 45 Gabbyadini, 2:2 – 48 Gabbyadini, 3:2 – 87 Ibrahimovich. Manchester Yunayted – De Xea, Smolling, Bayi, Roxo, Valensiya, Lingard (Reshford, 77), Pogba, Errera, Mata (Kerrik, 46), Marsyal (Fellayni, 90), Ibrahimovich. Sautgempton – Forster, Stivens, Bertran, Soaresh, Yosida, Redmond, Uord-Prouz, Tadich (Bufal, 77), Devis (Rodriges, 90), Gabbyadini (Long, 83), Romeu. Ogohlantirishlar: Romeu (18), Errera (24), Stivens (40), Lingard (41), Redmond (56).
— deya xabar beradi uff.uz nashri.