Bugun, 27 fevral kuni “Lokomotiv” o'z maydonida BAAning “Al Ahli” klubiga qarshi bahs olib boradi. Osiyo chempionlar ligasi 2-turidan o'rin olgan mazkur bahs TTZdagi “Lokomotiv” stadionida bo'lib o'tadi va 16:00da boshlanadi.
Bugun o'yindan oldingi rasmiy tadbirlar o'tkazildi. Dastlab har ikki jamoa vakillari hamda uchrashuv rasmiylari ishtirokida miting bo'lib o'tdi. Bunda bir qator tashkiliy masalalarga oydinlik kiritib olindi.
Ertangi uchrashuvda “Lokomotiv” oq rangli futbolkalarda, “Al Ahli” esa qora-qizil rangdagi liboslarda to'p tepadi. Uchrashuvni xitoylik hakamlar boshqarib borishadi.
Bugun shuningdek o'yinoldi matbuot anjumani ham o'tkazildi. Bunda dastlab “Al Ahli” bosh murabbiyi Kosmin Olariu hamda jamoa hujumchisi Makete Diop savollarga javob qaytarishdi.
Matbuot anjumanining ikkinchi qismida “Lokomotiv” bosh murabbiyi Andrey Miklyaev bilan yarim himoyachimiz Jaloliddin Masharipov ishtirok etdi. Qizig'i shundaki, bugungi matbuot anjumanida qatnashgan Makete Diop ham, Jaloliddin Masharipov ham o'z klublarida 99-raqamda to'p surishadi.
— deya xabar beradi uff.uz nashri.