«Manchester Yunayted» bosh murabbiyi Joze Mourino hujumchi Zlatan Ibragimovichning jamoa bilan amaldagi shartnomasini uzaytirishini istamoqda. «Ibragimovich bir marta men boshqargan jamoani tark etishga qaror qilganida, uning fikriga qarshi bormagandim. Agar u hozir ham ketishni istasa, unga qarshilik ko'rsatmayman, lekin «Manchester Yunayted» muxlislari uning boshqa jamoaga ketmasligi uchun uning uyi devorlari atrofida tunni o'tkazishga tayyor turishibdi. O'ylaymanki, Zlatan Angliyada uzoq vaqt qoladi», — deydi Mourino The Telegraph nashriga bergan intervyusida. Ma'lumot uchug, Zlatanning «qizil iblislar» bilan amaldagi shartnomasi joriy mavsum so'nggida nihoyasiga etadi. Eslatib o'tamiz, kecha 35-yoshli hujumchi «MYu» tarkibida dubl qayd etib, jamoasini Angliya Liga kuboki musobaqasi bosh sovrinini qo'lga kiritishida katta hissa qo'shgan futbolchilardan biri bo'ldi.
— deya xabar beradi uff.uz nashri.