“Nasaf” jamoamiz futbolchilari XXVI O'zbekiston chempionatining 1-tur uchrashuviga tayyorgarlikni boshlashdi. Qisqa ta'tildan so'ng 26 fevral kuni klub qarorgohida yig'ilgan jamoamiz, oliy liganing 1-tur uchrashuviga tayyorgarliklarni boshlab yubordi. Jasur Abdurayimov boshchiligdagi Olimpiya terma jamoamiz yig'iniga chaqirilgan futbolchilarimiz, Azizjon G'aniev, Odiljon Hamrobekov, Doniyor Narzullaev va Bobir Abduxoliqovlar ham safimizga qo'shilishgan. “Ajdarlar” endi to'liq tarkibda mashg'ulotlarga kirishdi. Jamoamiz 1-tur tayyorgarliklari yuzasidan kuniga ikki martadan klub qarorgohida mashg'ulotlar olib boradi. Eslatib o'tamiz, “Nasaf” XXVI O'zbekiston chempionatining 1-tur uchrashuvini safarda “Qo'qon-1912” jamoasiga qarshi o'tkazadi. Uchrashuv 4 mart shanba kuni bo'lib o'tadi.
— deya xabar beradi uff.uz nashri.