«Nasaf»ning sloveniyalik himoyachisi Roy Rok ikkinchi davrada tibbiy ko'rik bilan bog'liq muammolar sabab jamoaga yordam bera olmayapti.
Futbolchi ayni paytda o'z vatanida, oilasi bilan birga. Yaqinda voha.uz   sayti futbolchining O'zbekiston kubogi finali va uning «Nasaf» haqidagi fikrlari bilan qiziqdi.
- Roy, avvalambor sizni jamoangizning kubok sohibi bo'lgani munosabati bilan muborakbod etamiz!
- Rahmat, bundan to'g'risi juda sevindim, lekin..
- Finalni ko'rdingizmi? O'yin haqida fikrlaringiz qanday?
-Ha, albatta, uchrashuvni internet orqali tomosha qildim. O'yin finalga xos tarzda kechdi, maydondagi jamoadoshlarimning harakatlarida murabbiylar va futbolchilarning mehnatlari yaqqol sezilib turdi. Jamoam haqli ravishda g'alabaga erishdi.
- Ammo siz ham finalda maydonga tushishni xohlagan edingiz...
- To'g'ri, hal qiluvchi uchrashuvda  jamoamga yordam berishni juda-juda yor bo'lishini istagandim, ammo nasib qilmadi. Bu juda alamli xolat.  Umid qilamanki, «Nasaf» bilan hali ko'plab finallarda o'ynaymiz.
- «Nasaf»dagi keyingi taqdiringiz haqida nima deya olasiz?
- Hammasi yaxshi: futbolchilar, murabbiylar shtabi, rahbariyat va hokazo. Jamoa allaqachon oilaga aylanib ulgurgan. Bosh murabbiyimizni esa men ko'rgan mutaxassislar orasida eng yaxshisi deb ayta olaman. U jamoaning fidoyisi. Barchamizni tushunadi. Endi jamoadagi taqdirimga kelsak, bu klub rahbariyati va murabbiylar shtabiga bog'liq. Agar ular jamoada qolishimni istashsa, men hech ikkilanmasdan bu taklifni qabul qilaman. Hozir jamoa bilan birga bo'lmasamda, o'zim yakka tartibda mashg'ulotlar olib boryapman. To'g'risini aytsam, «Nasaf»dan ketgim yo'q!
- Muxlislarga tilaklaringiz.
- Jamoaning barcha ishqibozlariga faqat va faqat g'alaba quvonchini yor bo'lishini, har doim jamoa yonida turishlariga tilakdoshman. Chunki «Nasaf»ning har bir muvaffaqiyatida «12»-o'yinchilarning xizmatlari katta.
- Sizga mazmunli suhbat uchun minnatdorchilik bildiramiz va faoliyatingizga muvaffaqiyatlar tilagan holda Qarshida kutamiz.
- Nasib etsa, boraman.
Davomi InterFUTBOL gazetasi blogida.
— deya xabar beradi uff.uz nashri.