Yangi mavsumga tayyorgarlikni olib borayotgan «Mash'al» jamoamiz bugun Muborakda o'zining dastlabki mashg'ulotini boshladi.
Jamoamiz asosan engil mashqlarni o'tkazmoqda, tarkibga jalb etilgan yangi futbolchilardan Bobur Qosimov, Abdulloh Olimov, Jamoliddin Ubaydullaev, Sardor Rahmonov,  Legionerlardan, Umedjon Sharipov (Tojikiston) va Igor Tiimonyuk (Belorussiya) lar  jamoamiz bilan birgalar. Aleksandr Xomyakov shogirdlari yangi mavsum boshlangunga qadar tayyorgarlikni,Muborakda olib boradilar.
 Eslatib o'tamiz jamoamiz Oliy liganing ketma-ket ikki turini Muborakda o'tkazadi. Dastlab 3 mart kuni «Lokomotiv» jamoamiz mehmoni bo'lsa 10 mart kuni esa «Metallurg» «Mash'al» sinovidan o'tadi. Xabaringiz bor oliy ligamiz 3 mart kuni start oladi.
Biz esa orziqib kutilayotgan ushbu ligamizda «Mash'al» jamoamizga ishonamiz va omad tilaymiz.
— deya xabar beradi uff.uz nashri.