"Barselona" vakili Xosep Vives "Vilyarreal" va "Real" o'rtasida kechgan o'yindagi (2:3) hakamlik haqida fikr bildirdi. Eslatib o'tamiz, "Vilyarreal" prezidenti Fernando Roiga hakamlar "Real"ga yordam bergani va stadiondan madridliklar sumkasi bilan chiqib ketganini aytgan edi.
"Biz mehmonda bo'ladigan o'yinlarda hakamlarga sovg'a bermaymiz. Bu ishni faqat o'z uyimizda kechadigan bahsda amalga oshiramiz. Biroq har qanday holatda ham boshqa klublar qilayotgan ishga baho berish niyatimiz yo'q", - deydi Xosep Vives.
Eslatib o'tamiz, Ispaniya futbol federatsiyasi hakamlar qo'mitasi "Real" tomonidan hakamlarga berilgan sumkada faqat klubga tegishli atributkalar - ruchka, ko'krak belgisi va kalitga osadigan ilmoqchalar bo'lgani aytilgan.
— deya xabar beradi uff.uz nashri.