Madridning "Real" klubi hujumchisi Alvaro Morata va yarim himoyachi Isko o'rtasida qiziqarli suhbat bo'ldi.
"Vilyarreal"ga qarshi kechgan va 3:2 hisobidagi g'alaba bilan yakuniga etgan o'yin vaqtida ikki futbolchi zaxira o'rindig'ida o'tirganda Isko Morataga: "Men "Real" uchun ikkinchi taomman", deya aytgan. Morata esa unga: "Men esa desert bo'laman",- deya javob qaytargan.
Eslatib o'tamiz, uchrashuvda "Real" 0:2 hisobida mag'lubiyatga uchrayotgan vaqtda har ikki futbolchi zaxiradan maydonga tushgan va g'alabaga katta hissa qo'shgan. Xususan Morata g'alaba to'piga mualliflik qildi.
Isko oxirgi vaqtlarda etarlicha o'yin amaliyotiga ega bo'lmayotgani bois "Real"dan ketishni istayotgani xabar qilinmoqda. Shuningdek Morata ham "Real"da zaxiradan maydonga tushayotganidan norozi.
— deya xabar beradi uff.uz nashri.