Myunxenning "Bavariya" klubi yarim himoyachisi Aren Robben qisqa muddat davomida jamoaga sardorlik qilish istagi yo'qligini bildirdi. Eslatib o'tamiz, Filipp Lam faoliyatini yakunlagach, sardorlik bog'ichi bo'sh qoladi.
"Men har doim bunga tayyor bo'lganman va munosib sardor bo'lishim mumkin. Ammo "Bavariya"da sardorlik qilsam, bu bor-yo'g'i bir mavsum yoki undan sal ko'proq davom etgan bo'lardi", - deydi Robben.
Eslatib o'tamiz, Robbenning "Bavariya" bilan amaldagi shartnomasi 2018 yilning yoziga qadar davom etishi ko'zda tutilgan. Yarim himoyachi shartnomani uzaytirishni istamoqda.
— deya xabar beradi uff.uz nashri.