Bugun “Navbahor” jmoasi a'zolari Namanganda to'planib, mavsumga tayyorgarlikning so'nggi bosqichini boshlashadi. Ayni paytda murabbiy va futbolchilar klub qarorgohiga yig'ilishga ulgurishdi. Kechki payt jamoa Namangandagi dastlabki mashg'ulotda qatnashishadi. Bu orada PFL 2017 yilgi chempionatning dastlabki turida xizmat qiladigan hakamlar ro'yxatini e'lon qildi. 4 mart kuni Namangandagi “Markaziy” o'yingohda bo'lib o'tadigan “Navbahor” va “Obod” jamoalari o'rtasidagi uchrashuvni Hasan Ro'ziev boshchiligidagi hakamlar brigadasi boshqarib boradi. Ro'zievga qanotlarda Olim Abduvosilov va Sanjar Shoyusupovlar yordam berishadi. Andijonlik Akmal Rahimov esa zaxiradagi hakam vazifasini bajaradi. Namanganga nazoratchi sifatida Arslon Hotamov, PFL vakili sifatida Roman Chernikov tashrif buyurishadi.
— deya xabar beradi uff.uz nashri.