"Liverpul" klubi sobiq himoyachisi Jeymi Karrager mersisaydliklar yarim himoyachisi Lukas Leyva "Lester"ga qarshi himoyada o'ynaganini tanqid qildi.
"O'yindan oldin va birinchi bo'lim davomida bir necha bor "Liverpul"ning chap qanot himoyasi muammoga sabab bo'lishi mumkinligini aytgan edim. Chunki Jeymi Vardi muntazam ravishda shu tomondan hujum qilayotgandi.
Men Lukasga achinaman, uni o'yindan so'ng qattiq tanqid qiladilar. Ammo u markaziy himoyada o'ynamasligi lozim. Unda buning uchun kerak bo'lgan sifatlar - bo'y, kuch va tezlik yo'q. Menimcha futbolchini muntazam ravishda o'ziga begona bo'lgan pozitsiyada o'ynatish qachondir muammo keltiradi.
Vardi mana shu muammoli joyni topa oldi", - deydi Karrager.
— deya xabar beradi uff.uz nashri.