FIFA tomonidan e'lon qilingan navbatdagi reytingga osiyolik professional mutaxassislar munosabat bildirib, bugungi kunda OFKda kuzatilayotgan vaziyatni taqdim etishdi. O'z navbatida, doimiy manba «G'arb» va «Sharq» mintaqalaridagi holatga oydinlik kiritdi. O'zbekiston termasi joylashgan g'arbiy mintaqada vaziyat qiziq tus olgan: chunki bizning jadvaldan sharqdagilarga nisbatan ko'proq mamlakatlar joy egallashdi. Shu bois ballar, pozitsiyalar va koeffitsientlarni qaytadan hisoblab chiqishga to'g'ri keldi. Hozircha aniq detallarga to'xtalmay, faqat «sariq qit'a»ning turli mintaqalaridagi holatni aks ettiruvchi ikkita jadvalni e'tiboringizga havola etamiz. 1. Biroz xotirjammiz Ko'rib turibsizki, bizdan keyingi o'rinlarni egallab turgan Iroq va Quvayt keyingi bir-ikki mavsumda bizga etib olisholmaydi. Chunki ular klublar o'rtasidagi turnirlarda qatnashishmaydi, faqat terma bilan bunday vazifani uddalash esa... Buni uddalash nafaqat qiyin, balki ilojsiz hamdir. Agar bu o'rinda Germaniya termasi bo'lganida, qandaydir ilinj bo'lardi. Ammo olmonlar qayoqda-yu, OFKning zamonaviy «erto'la»si qayoqda? Xullas, ixtiyorimizdagi 1Q2 kvotasi uchun xavotirlanishga o'rin yo'q. 2. Bu yog'iga nima bo'ladi? Eron bilan o'rtamizdagi farq deyarli 13 ochkoni tashkil etmoqda; aniqroq aytganda, 12,59 ochko. Ushbu ko'rsatkichni 13ga, o'z navbatida, uni 15ga tenglashtirish darkor - ya'ni OChL yoki terma jamoaning beshta g'alabasi shuncha ochko keltiradi. Mayli, yaxshi niyat qilaylik-da, mart oyidayoq shu 15 ochkoni to'plashga umid bog'laymiz. Ammo eronliklarning 2}2 pozitsiyasini bizga topshirishga shoshmayotganlarini unutmaslik kerak. Ular ham o'zlariga tegishli ochkolarni to'plashadi, katta ehtimol bilan bizdan kamroq bo'lmagan natijaga erishishadi... Mazkur holatda ularni quvib etishning yagona yo'li bor. 3. O'zaro bahslar Ha, Eron termasi va klublariga qarshi kechadigan o'yinlarda g'alaba qozonishimiz shart. Bu holatda gap «pley-off» bosqichiga chiqish yoki JCh-2018 saralashidagi joy haqida bormayapti. O'zaro raqobatda ustunlik qilishimiz darkor. Mayli, ular ham o'z uchrashuvlarida g'alaba qozonishaversin, biz ham faqat ijobiy natijaga erishaveraylik... Ammo oldinda klublarimizni OChL guruh bosqichida forslarga qarshi to'rtta bahs kutib turibdi. Bundan tashqari, termamiz mundial saralashi doirasida Eron jamoasi bilan bitta o'yin o'tkazishi lozim. Ya'ni beshta bellashuv (o'zaro qarama-qarshilik Chempionlar Ligasi «pley-off»ida davom etishi ham mumkin, ammo bu hozircha faraz, xolos). Xulosa o'z-o'zidan kelib chiqmoqda: eronliklarni ham safarda, ham o'z maydonimizda engishimiz lozim. Bundan tashqari, ularning boshqa o'yinlarda ochko yo'qotishlarini kutamiz. Ya'ni o'zimiz ham barcha raqiblarni engishga majburmiz. Ko'rinib turibdiki, «G'arb» mintaqasidagi holat biz uchun chiqib bo'lmas botqoqlik emas: milliy termamiz va klublarimiz g'alaba qozonishsa, yuqoriga ko'tarilishimiz mumkin. Eng asosiysi, Eron jamoalarini mag'lubiyatga uchratishimiz shart. Shu bois, «Lokomotiv» va «Bunyodkor»ning mos ravishda «Istiqlol» hamda «Zob-Ohan»ga qarshi bahslarda faqat 6 ochko to'plashlariga tilakdoshmiz. Qolaversa, milliy termamiz ham safarda Toshkentdagi mag'lubiyat uchun revansh olishi kerak. Daxlsiz kvartet «Sharq» mintaqasini kuzatib boruvchi muxlislar suyukli jamoalarining kelajakdagi natijalariga o'zlari baho berishlari mumkin. Biz shunchaki, ikki og'iz gapiramiz, xolos. Janubiy koreyaliklarning yaqin ta'qibchilarini sezilarli farq bilan ortda qoldirishganini sezish qiyin emas. Demak, 3}1 kvotasi uchun bahs, asosan, 2-4-o'rinlarni egallab turganlar o'rtasida kechadi. Qolgan to'rt jamoa esa OChL-2019 guruh bosqichiga to'g'ridan-to'g'ri chiqish imkonini beruvchi yo'llanma hamda }1 va }2 o'rinlari uchun kurashishadi. Ko'ring, Gonkong va Tailand raqobatiga Malayziya hamda Vetnamning qanchalik aralashishi mumkinligiga o'zingiz baho bering (yanada quyiroqqa qarash befoyda, agar statistikaning ashaddiy ixlosmandi bo'lmasangiz, albatta). So'ngra natijalarni termalar ko'rsatkichlari bilan qo'shib, bashorat qiling va ushbu mintaqaning kim uchun qiziqroq ekaniga oydinlik kiriting. FIFA reytingi haqida qiziqarli faktlar - Ayni payt FIFA reytingida deyarli 25 yil mobaynida birinchi o'ringa ko'tarilgan atigi sakkizinchi jamoa - Argentina termasi etakchilik qilmoqda. Shuningdek, Braziliya, Germaniya, Frantsiya, Ispaniya, Italiya, Belgiya va Gollandiya ham eng yuqori pog'onani egallashga ulgurishgan. - FIFA reytingi bir oyda bir marta, an'anaga muvofiq, payshanba kuni e'lon qilinadi. - Har bir o'yin uchun 0dan 2400 ballgacha to'plash mumkin. - Bir o'yinda to'plangan noli yo'q minimal ochko - 42.5ga teng. 150-o'rindan pastda joylashgan raqibga qarshi bahsda durangga erishgan jamoa xuddi shuncha ballga ega bo'ladi. Bu holat shartli ravishda reytingi 0.85ga teng mintaqalarga taalluqli (Evropa va Janubiy Amerikadan tashqari). - JCh-2014da o'sha paytdagi FIFA reytingi etakchisi Ispaniya termasi ustidan qozonilgan g'alaba Gollandiya va Chili termalariga maksimal ochko - 2400dan keltirgandi. FIFA reytingida ochkolar qanday hisoblanadi? Davomi: www.interfutbol.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.