«Tottenxem» hujumchisi Xarri Keyn navbatdagi intervyusida hazil tariqasida o'zini dunyoning eng yaxshi futbolchilaridan biri deb o'ylashini ma'lum qildi. Darhaqiqat, Keyn joriy mavsum 27 o'yinda maydonga tushib, raqiblar darvozabonlarini 22 marta xafa qilishga ulgurgan. «Agar siz bunga ishonmayotgan bo'lsangiz, ko'rsatgan statistikam va gollarimni sanab chiqing, albatta mana shundan so'ng meni eng yaxshi futbolchilar qatoriga qo'shib qo'yasiz. Agar men haqimda yozadigan bo'lsangiz, aynan Keyn – dunyoning eng yaxshi futbolchisi sarlavhasini qo'shib ketishni aslo unutib qo'ymang. «Tottenxem» safida ko'plab gollar urishni maqsad qilganman, aynan «Tottenxem» tarkibida yuqori o'rinlarni qo'lga kiritmoqchiman. Hozircha mavsum yakunlanmadi, lekin hisobimda 22 ta gol bor. Mavsum yakuniga qadar shu gollarim sonini 30 taga etkazishga harakat qilaman», – deydi Keyn Mirror nashriga bergan intervyusida.
— deya xabar beradi uff.uz nashri.