"Yuventus" klubi hujumchisi Gonsalo Iguain "Napoli"ga qarshi kechgan Italiya kubogi yarim final dastlabki uchrashuvidan so'ng o'z fikrlarini bildirib o'tdi.
"Biz ko'pchilikni hayron qoldirayotgan "Napoli"ga qarshi og'ir o'yin o'tkazdik. Birinchi bo'limda to'pga egalik qilish qiyin kechdi. Tanaffusda esa murabbiy, sabr qilishni aytishdi. Nihoyat bu o'z samarasini berdi va muhim g'alabani qo'lga kiritib, Neapolga yaxshi natija bilan boradigan bo'ldik. Shu o'rinda "Napoli"ni hurmat qilishimni ham aytib o'tmoqchiman. "Yuventus"da baxtliman va shu yo'sinda davom etishim kerak", – deya Iguainning so'zlarini keltiradi Football Italia nashri.
— deya xabar beradi uff.uz nashri.