O'zbekistonlik FIFA referisi Aziz Asimov OFK Kubogi turniri “B” guruhi 3-turidan o'rin olgan “Al-Vahda” (Suriya) – “Eyr Fors” (Iroq) uchrashuviga bosh hakam etib tayinlandi. Aziz Asimovga qanotlarda Ruslan Serazetdinov va Andrey Tsapenko yordam beradi. Zaxira hakami – Dmitriy Pislegin. Uchrashuvga komissar etib hindistonlik Rufus Prints tayinlandi. Hakamlar nazoratchisi vazifasi Vikramatunga Nimalga yuklatildi. Suriya klubi mazkur bellashuvning nominal mezboni bo'lgani va mamlakatda siyosiy holat barqaror bo'lmagani uchun o'yin neytral hudud – Livanda bo'lib o'tadi. Uchrashuv 14 mart kuni o'tkaziladi. 
— deya xabar beradi uff.uz nashri.