"Manchester Yunayted" hujumchisi Zlatan Ibrohimovich butsi kompaniyalari bilan hamkorlik o'rnatishga hafsala qilmayapti. Bu haqda "Mirror" nashri xabar berdi. Zlatan mavsumni "Nayk" butsilarida boshlagandi, keyin "Adidas"ga o'tdi. Angliya liga kubogi finalida o'ynaganda oyoqlarida qizil va qora ikki xil butsi bor edi. U "Nayk" bilan 16 yillik shartnoma imzolagan edi, ammo bu muddat o'tgan yili tugab qoldi. Shuningdek, hujumchining jamoada qolishi hamon so'roq ostida turibdi. Joze Mourino esa uni ko'ndirishda muxislardan yordam so'radi. — Balki muxlislar kechasi bilan uning eshigi tagida turishsa-chi, deb o'ylab qoldim, — deydi Mourino. — Foydasi tegishi mumkin. Lekin Zlatan yana bir mavsum jamoada qolishiga ishonamiz.
— deya xabar beradi uff.uz nashri.