“Qo'qon-1912” – “So'g'diyona” uchrashuvidan keyin o'tkazilgan matbuot anjumanining birinchi qismida  “So'g'diyona” ustozi Davron Fayziev ishtirok etdi.
– O'yindan oldin futbolchilarimga “Qo'qon-1912”ni ushbu mavsumda uch marta mag'lubiyatga uchratganimizni eslatdim. Ammo bugungi o'yin oldingisidan farq qilardi. Shuning uchun maydonga faqat g'alaba uchun tushgandik. Futbolchilarimiz ko'rsatmalarimni to'liq bajarishdi. Bu g'alaba biz uchun juda muhim edi va bunga erishdik. “Andijon” bilan o'yinda  ham uch ochkoni qo'lga kiritishimiz mumkin edi. Ammo o'shanda omadimiz kelmagandi. Bugun esa… Ushbu g'alabadan keyin xotirjamlikka berilmaymiz. Hali hammasi oldinda. Mazkur g'alabani unutib, “Buxoro”ga qarshi kechadigan bahsga tayyorgarlik ko'rishni boshlaymiz.
– “Qo'qon-1912” haqida qanday fikrdasiz?
– Yuqorida aytganimdek, qo'qonliklar bilan joriy mavsumda uch marta o'ynaganmiz. “Qo'qon-1912” xuddi biz kabi tushunib bo'lmas jamoa sanaladi. Qo'qonliklar o'yinni qoshuvsa har qanday raqibni dog'da qoldirishi mumkin. Lekin kutilmaganda bugungidek  mag'lubiyatga uchrash ham hech gap emas.
— deya xabar beradi uff.uz nashri.