Italiya terma jamoasi sobiq himoyachisi Fabio Kannavaro Braziliya terma jamoasi sobiq hujumchisi Ronaldo haqida fikr bildirdi.
"Unga qadar uchratgan va undan so'ng to'qnash kelgan futbolchilar orasida menga eng dahshat solgan yagona va har doim yagona futbolchi Ronaldo bo'lgan. U bizning avlod futbolchisi edi. Fenomen. U - Ronaldo edi!
Biz birinchi marta 1998 yilda Braziliya va Italiya o'rtasida kechgan o'rtoqlik o'yinida to'qnash kelganmiz. Unga qarshi maydonga tushishning o'ziyoq meni dahshatga solardi. O'rtoqlik uchrashuvi durang natija bilan yakunlangan va o'yindan so'ng o'sha vaqtdagi bosh murabbiy Chezare Maldini bilan gaplashib oldik.
"Fabio, bilasanmi, ko'pchilik odamlar Ronaldo qay darajada ajoyib futbolchi ekanini gapirmoqdalar", - dedi Maldini. Men uning gaplarini shunchaki bosh irg'ab, eshitishda davom etdim.
"Haqiqatan ham, uning o'yiniga qarab shuni aytishim mumkin: ha, Ronalda juda yaxshi futbolchi", - deya gapini yakunladi Maldini. Odatiy Maldini shunday gaplarni gapirardi. Men: "rahmat, murabbiy", deya javob qaytardi.
To'g'ri, Braziliyada Romario, Roberto Karlos, Ronaldino kabi futbolchilar ham bor edi. Ammo Ronaldo... U har doim o'zgacha hujumchi bo'lgan.
U juda tezkor edi. U juda kuchli edi. U bemisl o'yin namoyish qilardi. Har safar unga qarshi maydonga tushganimda, o'zaro hurmatni saqlab turganmiz. Ronaldo kabi futbolchilarga hech qanday ortiqcha narsa kerak emas. Ular raqibga ruhiy bosim o'tkazishga urinmaydilar ham. Chunki hali o'yin boshlanmay turib Ronaldoga qarshi o'ynash kerakligi butun fikru hayolingni qamrab olgan bo'ladi. Bosim o'yin boshlanmay boshlanadi.
Ronaldodan qo'rquv qachondir mendan ketadi, deb o'ylamayman. Ammo mana shu qo'rquv bilan birgalikda hurmat ham paydo bo'ldi. Hurmat esa shundan iboratki, Ronaldo kabi futbolchilar seni har kuni astoydil mashq o'tashga majbur qiladi", - deydi Kannavaro.
— deya xabar beradi uff.uz nashri.