Madridning "Real" klubi bosh murabbiyi Zinedin Zidan Ispaniya chempionati doirasida "Las Palmas"ga qarshi kechgan o'yin haqida fikrlarini bildirib o'tdi.

"Biz gol urishning uddasidan chiqa olmadik va raqibga o'yinga qaytish imkonini berib qo'ydik. Birinchi bo'limda "Las Palmas" bizdan ko'ra yaxshiroq o'ynadi.

Ikkinchi bo'limda Beyl maydondan chetlatilgach iroda kuchini namoyish etishning uddasidan chiqdik. Biz ikki to'p farqini yo'qqa chiqara oldik. Bu o'yindagi vaziyat taqozosidan kelib chiqib mana shu bir ochkoga ham xursand bo'lishimiz lozim. Biroq chempionlik kurashi uchun u etarli bo'lmasligi turgan gap.

Hakamlikni muhokama qilish niyatim yo'q. Faqat o'yin haqida gapira olaman. Biz yaxshiroq o'ynashimiz mumkin edi, ammo uddalay olmadik. Bizni juda tig'iz taqvim kutib turibdi va oson bo'lmaydi.

Endi ichki chempionat va EChLdagi keyingi o'yinlar haqida o'ylash lozim. Beyl chetlatish uchun butun jamoadan uzr so'radi", - deydi Zidan.
— deya xabar beradi uff.uz nashri.