Ayni paytda APL navbatdagi turining markaziy uchrashuvi — "Liverpul" va "Arsenal" o'yini oldidan matbuot anjumani bo'lib o'tmoqda. Hozir Arsen Venger jurnalistlar savollariga javob bermoqda. — Jamoada qanday yangiliklar bor?
— Tarkibga Aaron Remsi qaytdi, mashg'ulotlarda to'liq qatnashmoqda. Koselni ham ancha sog'aydi. Elneni esa yana uch haftacha maydonga tusha olmaydi. — "Barselona"da ishlash haqida nima deya olasiz?
— "Arsenal" qolish-qolmaslikni men hal qilmayman. Men boshqa jamoalar uchun yoki boshqa odamlar uchun ish qidirmayman. Shunchaki o'z ishimni qilaman. — Xitoydan kelgan 30 millionlik taklifni rad etganingiz rostmi?
— Matbuot anjumani "Liverpul"ga qarshi o'yin haqida. Mening kelajagim va boshqa muammolar xususida emas. — "Liverpul"ga qarshi o'yin haqida nima deya olasiz?
— Natijaga qarab o'tirmaymiz. O'yinni hujumkor ruhda boshlamoqchimiz. — O'zil maydonga tushadimi?
— Hozircha bilmayman. O'ylab ko'ramiz. — Raneri iste'fosiga munosabatingiz?
— Unga omad tilayman va "Lester" bilan erishgan muvaffaqiyatlari uchun tabriklayman. Jamoaning kelajagi futbolchilarga bog'liq, oldindan bir nima deb bo'lmaydi. — O'z kelajagingiz haqida nima deya olasiz?
— 20 yildan beri shu erdaman va meni ko'p marta haydashga urinishdi. Lekin o'zim va jamoa uchun kerakli qarorni chiqara olaman. Agar klub biror qarorga kelsa, men uni hurmat qilaman. Shu bilan Arsen Venger ishtirokidagi matbuot anjumani yakunlandi.
— deya xabar beradi uff.uz nashri.