«Real» yarim himoyachisi Isko kecha «Las-Palmas»ga qarshi uchrashuv (3:3)dan so'ng «qirollik» klubida yana uzoq yillar qolish istagi borligini aytib o'tdi. «Hech qanday muammo yo'q. «Real»da baxtliman va uzoq yillar Madridda qolishni istayman. Faqat o'yin amaliyotiga kam ega bo'layotganligimdan xavotirda edim, endi hammasi o'z joyiga qaytmoqda. Futbolchi faoliyati uzoq davom etmaydi, aynan shu uchun ko'proq maydonga tushishni istayman. Agar menga shunday ishonishda davom etishsa albatta «Real»da qolaman», - deydi Isko Bernabeu Digital nashriga bergan intervyusida. Eslatib o'tamiz, Isko «Real» rahbariyatiga yozda uni boshqa jamoaga qo'yib yuborishlarini so'ragandi. Lekin, bosh murabbiy Zidan yarim himoyachini «Real»ning so'nggi o'tkazgan ikki o'yinida maydonga tushirdi. 
— deya xabar beradi uff.uz nashri.