Ayni vaqtda "Manchester Yunayted" klubini boshqarib turgan Joze Mourino "Real"da ishlagan vaqtda yarim himoyachi Mesut O'zil bilan bir necha bor kelishmovchilik keltirib chiqargan.
Portugaliyalik murabbiyga O'zilning o'yin uslubi yoqmagan. Bir safar Mourino O'zilga e'tiroz bildirib: "Bilasanmi nima? Yaxshisi yuvinish xonasiga bora qol, chunki sen - ona suti og'zidan ketmagan bolakaysan va bizga mutlaqo keraging yo'q. Nima, ikkita yaxshi uzatma berib qo'yganingdan keyin o'zingni zo'r deb o'ylayapsanmi? Sen juda noziksan va raqiblar bilan kurashga kirishayotgan vaqtda bildirib qo'yasan. O'zingni shunchalik yaxshi futbolchi deb bilganingdan 50 foiz kuch bilan o'ynamoqchimisan?" - deb aytgan.
Eslatib o'tamiz, O'zil 2010 yildan 2013 yilga qadar "Real" sharafini himoya qilgan edi. O'sha davr mobaynida madridliklarni Joze Mourino boshqargan.

— deya xabar beradi uff.uz nashri.