"Milan" rahbariyati darvozabon Janluijji Donnarumma bilan yangi shartnoma imzolash uchun uning agentiga katta pul mukofoti taklif etishga tayyor. Xabar qilinishicha, bu holat muzokaralar jarayoniga ijobiy ta'sir o'tkazishi lozim.
Biroz vaqt muqaddam "Milan" Donnarummaga 2022 yilga qadar davom etadigan shartnoma va yiliga 5 million evro maosh taklif etgani aytilgan edi. Darvozabonning ayni vaqtdagi shartnomasi muddati 2018 yilning yozida yakuniga etadi.
Mino Rayola esa 18 yoshli mijozi "Milan" bilan 4 yillik shartnoma imzolashini va yiliga 10 million evro maosh olishini istamoqda.
— deya xabar beradi uff.uz nashri.