Yangi mavsum boshlanish arafasida juda ko'plab muxlislar abonement sotib olish istagini bildirishmoqda. Ertadan boshlab klub o'z muxlislari uchun 1 yillik abonement sotishni boshlaydi. Abonement narxi atigi 80 000 so'm. Bu narx Respublikamizdagi deyarli eng arzon abonementlar sirasiga kiradi. Muxlislarga ushbu abonement 2017 yilgi mavsum davomida, Buxoroda o'tadigan O'zbekiston chempionati hamda kubogi uchrashuvlariga kirish imkoniyatini beradi. Abonement qulayliklari: 1. Chiptaxonalarda uzoq va uzun navbatda turilmaydi. 2. Bir yilda oddiy chiptaga sarflanadigan pulni ikki baravarga tejaydi. 3. Abonementi bor muxlis stadionga kirish uchun maxsus abonementliklar uchun ajratilgan eshikdan kiradi va yana uzun navbatda turishdan xoli bo'ladi. Abonementlarni sotib olish uchun "Buxoro" klubi marketing bo'limiga murojaat qilish mumkin. Abonementlarni naqd pul, plastik kartochka va pul o'tkazish orqali sotib olish mumkin.  Shoshiling abonementlar soni chegaralangan.
— deya xabar beradi uff.uz nashri.