Odatiy kunlarning birida O'zbekiston futbol federatsiyasining rasmiy saytida O'zbekiston milliy chempionati yaqinlashayotgani haqida xabar berildi. Ha, fasli navbahorning ilk kunlarida start oladigan musobaqani ko'pchilik intiqlik bilan kutgani rost. Mana, nihoyat, mamlakatimiz yashil maydonlarida oliy liga 1-tur uchrashuvlari o'tkaziladigan sana arafasida turibmiz. Xo'sh, bizni yangi mavsumda nimalar kutmoqda? Oliy liganing nufuzi oshishi uchun qaysi omillarga e'tibor qaratish lozim? Qanday choralar qo'llansa, milliy chempionatimiz rivojiga xizmat qiladi? Quyidagi maqolada shu mavzu yuzasidan mulohaza yuritamiz. VAQT Eng avvalo, yozning jaziramasida, qoq tushda  o'tkaziladigan o'yinlardan qutulish kerak. Futbol maydondagi o'yinchilarni ham, chetdan kuzatayotgan tomoshabinlarni ham qiynamasligi lozim. Undan o'ynagan ham, tomosha qilgan ham birdek lazzat olishi shart. Aslida, butun dunyoda shunaqa. Aks holda, futbol hech qachon millionlar o'yiniga aylanmasdi. Xorijning bir qator o'lkalarida bo'lganlar aytishadi, u erda stadionlarda hamma narsa muhayyo, o'yinlar vaqti esa shu qadar qulayki, ishdan chiqib, uyga borib, qorinni to'ydirib, kiyim-boshni almashtirishga ham ulgurasiz. Bizda esa futbol ko'rish uchun turli murakkabliklarga duch kelasiz. Misol uchun, o'yinlar noqulay vaqtga belgilanishi tufayli ishdan vaqtliroq chiqish talab etiladi. Balki shuning uchun ham stadionlarda odam kamnamodir? Har qancha g'alati tuyulmasin, biz uchun futbol faqat O'zbekiston terma jamoasi o'ynaganda millionlar o'yiniga aylanishi ayni haqiqat. Boshqa vaqtda esa «minglar» va hattoki, ba'zi klublar uchun «yuzlar o'yini», xolos. Qachonki bizda ham futbol uchrashuvlarini ish vaqtidan xoli, kechki soya-salqin vaqtda tomosha qilish imkoni bo'lsa, o'shanda oliy ligaga qiziqish oshmasa, hozircha bilmadik... KELIShILMASLIK Ammo bu hali hammasi emas. O'yin vaqti qulay bo'lgani bilan toza futbol tomosha qilinmasa, muxlis stadionga kelishga ko'p oshiqmasligi turgan gap. Millionlar o'yinida «kelishilgan o'yinlar», degan balo bor ekan, u muxlislarni hurmat qilmaydiganlar uchun daromad manbaiga aylanadi. Haytovur, so'nggi yillarda milliy chempionatimiz bahslari toza o'tdi, buni tan olamiz. Shu erishilgan yutuq bilan cheklanib qolmay, kelishilgan o'yinlarga qarshi kurashni yanada kuchaytiravergan ma'qul. Chunki kichik loqaydlik ham illatning urf olishiga sabab bo'lishi hech gap emas. HAKAMLIK Davomi: www.interfutbol.uz InterFutbol.uz ningTelegramdagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.