Xitoyda transfer oynasining so'nggi kunida Fabio Kannavaro rahbarligidagi “Tyantszin Tsyuantszyan” klubi o'z tarkibini braziliyalik hujumchi Junior Moraes bilan kuchaytirdi. Kievning “Dinamo” jamoasi 29 yoshli hujumchini Xitoy klubiga 2016/17 yilgi mavsum oxirigacha ijaraga berdi. Endi u yangi jamoasida mashhur vatandoshlari Aleshandro Pato va Luis Fabiano, shuningdek, belgiyalik Aksel Vitsellar bilan to'p suradi.   Bu yilgi mavsumda Moraes “Dinamo” safida 23 o'yinda ishtirok etib, 12 gol muallifiga aylangandi. Fevral oyi boshida Ukraina futbol federatsiyasi tartib-intizom qo'mitasi uni besh o'yinga diskvalifikatsiya qilgandi. Agar u kievliklar safida qolganda ham mart oyida maydonga tushish imkoniyatidan mahrum edi. Junior Moraesning “Dinamo” bilan tuzgan shartnomasi 2018 yil yozigacha amal qiladi. Futbolchining Xitoyga yo'l olishi haqida jamoa bosh murabbiyi Sergey Rebrov shunday fikr bildirdi: “Bu Moraes uchun yaxshigina imkoniyat, u hozircha ijara asosida to'p suradi. Keyin uning qaytib kelishiga umid qilyapmiz. Unga hozir o'yin amaliyoti kerak. Diskvalifikatsiya tufayli u ancha vaqt maydonga tusha olmasdi. Xitoy klubi taklifi jamoa va futbolchi uchun ham juda foydali bo'ldi. Biz bunday qarorga uning taqdirini o'ylab keldi. Moraes – yuqori saviyali futbolchi, har doim o'z ustida ishlagan va jamoa uchun bor kuchini fido etgan. Uning mehnatlariga rahmat aytib qolamiz.   Futbolchi haqida batafsil ma'lumot beradigan bo'lsak, uning to'liq ismi Aloizio Shaves Ribeyro Moraes Junior bo'lib, u 1987 yilning 15 aprelida Braziliyaning Santos shahrida tug'ilgan. Uning otasi «Flamengo» va «Santos» klublarida to'p surgan professional futbolchi bo'lgan, onasi esa tennis bilan shug'ullangan. Katta akasi Bruno Moraes ham futbolchidir.   Futbol bilan to'rt yoshidan boshlab shug'ullanib kelgan Moraes, «Santos» maktabiga Robino bilan birga qatnagan. U 2006 yilda “Santos” asosiy tarkibidan o'rin oladi. Ikki yil davomida 16 o'yinda 2 gol kiritgan futbolchini 2008 yilda «Ponte-Preta»ga ijaraga berishadi. Keyinchalik «Santu-Andre» jamoasiga o'tadi.  Lekin uning vatanidagi faoliyati u qadar muvaffaqiyatli chiqmadi, bu haqda keyinroq to'xtalamiz.   2016 yilgi mavsum yakuniga ko'ra, “Tyantszin Tsyuantszyan” Xitoy birinchi ligasi g'olibiga aylanib, Superligaga yo'l oldi. Ertaga start oladigan musobaqalarga jiddiy ravishda tayyorgarlik ko'rmoqda. Jamoaning Xitoy quyi ligasidagi muvaffaqiyatlariga yana bir boshqa braziliyalik - “Shaxtyor”ning sobiq hujumchisi Jadson katta hissa qo'shgandi. U o'tgan mavsumda raqiblar darvozasini 6 bor ishg'ol etib, 16 golga assistentlik qilgandi. Lekin bir oy burun xavbek vataniga qaytib ketdi. Uning o'rnini «Tsyuantszyan»da boshqa yulduzlar to'ldirishdi. Qishki transfer bozori davrida klub 70 000 000 evrodan oshiq mablag' sarfladi. Moraes jamoaga kelmasligi ham mumkin edi. Moraesning Odil Ahmedov va Anzur Ismoilovlar bilan uchrashuvi hamda qanday qilib yulduz Diego Kosta va Radamel Falkaolar o'rnini egallagani, ilk narxi 10 ming dollar bo'lgan futbolchining Evropadagi muvaffaqiyatlari haqida vodiymedia.uz da o'qiysiz.
— deya xabar beradi uff.uz nashri.