“Atletiko” hujumchisi Fernando Torres “Deportivo”ga qarshi (1:1) Ispaniya chempionati 25-turida jiddiy boshidan jarohat oldi. Ispaniyalik tajribali hujumchi to'p uchun kurashda Aleks Bergantinos bilan havoda to'qnashib ketdi va boshi bilan chim ustiga noqulay yiqildi. Buning natijasida 32 yoshli futbolchi hushini yo'qotdi. Klub shifokorlari bir necha daqiqa mobaynida futbolchiga tibbiy yordam ko'rsatishdi va keyinchalik uni zambilda maydondan olib chiqib ketishdi. Keyinroq Torres tribuna ostida hushiga kelgan. U tezlikda shifoxonaga etkazilgan va ushbu tunni u shifokorlar nazorati ostida o'tkazdi. So'nggi ma'lumotlarga ko'ra ayni paytda ispaniyalik futbolchining holati barqaror jeya baholanmoqda. 
— deya xabar beradi uff.uz nashri.