«Arsenal» himoyachisi Ektor Belerin shu yil yozda jamoani tark etishni rejalashtirmoqda. Bu haqda AS nashri xabar tarqatdi. 21 yoshli futbolchi «Barselona»dan jiddiy taklif olgan. Biroq uni rad etib, «Manchester Siti»ga o'tishni istamoqda. Ektor «shaharliklar» bosh murabbiyi Pep Gvardiolaning «Siti»da ishlayotganligi sabab shu qarorga kelishni lozim deb topgan. Eslatib o'tamiz, avvalroq Arsen Venger «Arsenal»ni tark etsa keyin Belerin boshqa jamoaga o'tishi mumkinligi haqida xabarlar tarqalgandi.
— deya xabar beradi uff.uz nashri.