Xabaringiz bor, bugun oliy liga birinchi tur o'yinlariga start berildi.  Bir necha daqiqa oldin “Paxtakor” – “Qizilqum” uchrashuvi yakunlandi. Unda “sherlar” 3:1 hisobida g'alaba qozonishdi.
Uchrashuvdan so'ng “Paxtakor” yarim himoyachisi Sherzodbek Karimov o'z fikrlari bilan o'rtoqlashdi.
– O'yinning birinchi va ikkinchi bo'limi o'rtasida ancha farq ko'zga tashlandi. Bunga sabab nima deb o'ylaysiz?
– Birinchi o'yin bo'lgani sababli o'yinga kirishib ketolmadik. Ikkinchi bo'limda esa o'yinimiz qovushib oldinga harakat qildik va ijobiy natijaga erishdik.
– “Qizilqum” tarkibida ham katta o'zgarishlar ko'zga tashlandi. Tarkibga ancha tajribali futbolchilar jalb etilgan. Bugungi uchrashuvda raqibning kuchini his etdingizmi?
– Albatta! “Qizilqum” tarkibiga juda tajribali futbolchilar jalb etilgan. Biz ularni o'rganib chiqqan holda, shunga yarasha tayyorgarlik ko'rdik va g'alaba qozandik.
– “Paxtakor”ning bu yilgi maqsadi haqida nima deysiz?
– Bizda har doim maqsad yuqori o'rinlarni egallash va keyingi mavsumda Osiyo Chempionlar Ligasida ishtirok etish.
— deya xabar beradi uff.uz nashri.