«Arsenal» hamda «Barselona»ning sobiq yarim himoyachisi jamoalarning EChLdagi omadsiz o'yinlari va nima uchun «Krilya Sovetov»ga qaytishga qaror qilgani haqida. «Skripchenko asosiy omil bo'ldi» - Nima uchun yana Samaraga qaytishga ahd qildingiz? - Nega endi qaytmasligim kerak? Vadim Viktorovich Skripchenko agentim bilan bog'landi. Minskda uchrashdik va hamkorlik o'rnatishga qaror qildik. - Demak, Skripchenko omili hal qiluvchi rol o'ynagan, shundaymi? - Ha, shuningdek, Sergey Karnilenko ham. U bilan birga o'ynaganman. «Krilya»ga yordam bergim keldi, qolaversa, faoliyatimni davom ettirish niyatidaman. - Beloruslik boshqa mutaxassis Goncharenko bilan hamkorlik qilish istagi yo'qmi? - Bu mavzuni izohlashni istamayman. Vadim Viktorovich bilan ishlayapman, shuning o'zi etarli. Jamoa talab darajasida o'ynay oladi va kerakli natijaga erishadi, deb hisoblayman. - Skripchenko sizni «Zenit»ga ko'chib o'tgan Mollo o'rniga mo'ljallayaptimi? - Bunaqa savolni Vadim Viktorovichga berganingiz ma'qul. Molloning o'rnini to'ldirish xususida gap-so'z bo'lgani yo'q. Menga hujumlarni jonlantirish, jamoadoshlarimni to'p bilan ta'minlash vazifasi qo'yilgan. Jumladan, Karnilenkoni ham. - O'zingizni samaraliklar hujumlarining dirijyori sifatida tasavvur qila olasizmi? - Men o'ziga ishonadigan insonlar sirasidanman. Hammasini o'yin ko'rsatadi. Oldindan nimanidir bashorat qilish professionalga xos bo'lmagan odat. Bo'lajak bellashuvlarga tayyorgarlik ko'ryapman, hali kech emas. Sport formamni tiklay olsam, samara maydonda ko'rinadi. - Skripchenkoning «Ural»dan ketganini yurtingizda qanday qabul qilishdi? - Bilmayman... Ochig'i, bu meni qiziqtirmaydi. Vadim Viktorovich «Krilya»ni ma'qul ko'rdimi, demak u bunga haqli. Buyog'i uning shaxsiy ishi. - Keskin shov-shuvlarga sabab bo'lgan «Ural»-«Terek» uchrashuvi(1:4)ni tomosha qildingizmi? - Yo'q, ko'rmadim. To'g'ri, turli mish-mishlar menga ham etib keldi. Lekin bularni izohlashdan ne foyda? Axir o'shanda men nima bo'lganini bilmaymanku. - Yoshingiz 35ga chiqdi. O'yinlarda to'liq to'p surishga qodirmisiz? Har holda Rossiya chempionatida... - Kuchli chempionat demoqchimisiz? - Nima, siz bunday emas, deb hisoblaysizmi? - Hech narsa demayman. Risoladagidek musobaqa. hammasini vaqt, o'yin ko'rsatadi. «19 yoshimdan safarlardaman, charchadim» - Xullas, 90 daqiqa o'ynashga yaraysiz? - Sport formamni tiklayapman. Mavsumga puxta hozirlik ko'rish uchun vaqt etarli. - 2012 yilda ham Samarada to'p surgan edingiz. O'shanda mavsum omadsiz bo'lganmidi? Davomi: www.interfutbol.uz InterFutbol.uz ningTelegramdagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.