"Manchester Yunayted" bosh murabbiyi Joze Mourino mankunianliklar hujumchisi Zlatan Ibrahimovich "Oltin to'p"ni olishiga ishonishini bildirdi.
"U amalga oshirgan ishlar bemisl ekaniga ishonaman. "Uembli"da kiritgan har ikki goli ham jamoa uchun muhim ahamiyat kasb etadi. Menimcha u butkul mukammal futbolchi.
Men Krishtianu Ronaldu va Lionel Messini yaxshi bilaman. Ammo Ibrahimovich shu vaqtga qadar "Oltin to'p" olmaganiga ishongim kelmaydi.
Shunday ekan, nima uchun bu yil "Oltin to'p"ni aynan u olmasligi lozim? Agar u Evropa ligasi finaliga qadar etib borsa va ko'p sovrinlar yutib olsachi? Nahotki mana shu 35 yoshli inson "Oltin to'p"ga munosib ko'rilmasa", - deydi Mourino.
Eslatib o'tamiz, Ibrahimovich joriy mavsum "MYu" safida 26 ta gol urishga ulgurdi.
— deya xabar beradi uff.uz nashri.