"Barselona" sobiq hujumchisi Xristo Stoichkov jamoaning yangi bosh murabbiyi kim bo'lishi kerakligini aytib o'tdi. Bolgariyalik futbolchi Luis Enrikedan so'ng "Barselona"ni "Sevilya" ustozi Xorxe Sampaoli boshqarishini istamoqda. “Agar "Barselona" rahbari bo'lganimda Xorxe Sampaoli nomzodini qanday yo'l bilan bo'lsada jamoamga tayinlagan bo'lardim. Xorxe Chili terma jamoasi bilan Amerika Kubokida g'olib chiqdi. Unda g'oliblik hislati mavjud, men faqat Sampaoli nomzodida qolgan bo'lardim. Lekin Xorxe bu taklifni shoshilmasdan o'ylab ko'rishi kerak", – deydi Stoichkov Ole nashriga bergan intervyusida.
— deya xabar beradi uff.uz nashri.